بو گون قززهده تؤکولن گوناهسیز قانلاردان یالنیز ایسرایل دئییل
بلکه حماس و ایران دا سوروملودور.
هارای اورمو: هر شئیدن اول قئید ائتملیگیک کی، فیلیستین و ایسرایل سورونو بئینلخالق قایدالار اساسیندا هلل اولونمالی و اینسان قیرقینی درهال دایاندیریلمالیدیر. عینی زاماندا گونئی آذربایجانلی اولاراق گوناهسیز اینسالانلارین اولدورولمهسینه هار حالدا قارشیییق. بو اؤلدورولن گوناهسیز اینسانلارین ایچینده بیزه ان یاخین طبیعی گونئی آذربایجاندا و قوزئی آذربایجاندا فارس و ائرمنی ایشقالچیلاری واسطهسیله اؤلدورولنلردیر.
بوگون قززه دیه باغیرانلار اگر قاراباغ ایشقال اولاندا بئله باغیرسایدیلار قاراباغیمیز چوخدان آزاد اولموشدو. عربلردن داها گوجلو و قلیز قززه دئییب باغیران تورکلر ندن بس فارس رئژیمی بیزی تبریزده، همده ایکی ایل اول قتلیام ائدنده سسلری باتمیشدی؟ ایران آدلانان اؤلکهنین یالانلارینا آلدانانلارا سوروموز بودور کی اگر ایران حقیقتن موسلمانلارین حاقیندان مدافعه ائدیرسه، عجبا قاراباغدا قتلیام اولانلار موسلمان دئییلدیلرمی؟ اما ایران قاراباغ موسلمانلارینا نکی یاردیم ائتمهدی بلکه ترسینه ایشقالچی ائرمنیلره سلاح، سورسات، قاز، نئفت و مالی یاردیم ائتمکله موسلمان آذربایجانلیلاری دولاییسییلا قتلیام ائتدیردی. و یا عجبا ندن بو ایسلام مودافهسی ادعاسیندا اولان ایران چئچئنیستان موسلمانلارینا یاردیم ائتمیر و ترسینه روسیانین ان یاخین دوستودور؟
بو گون قززهده سلاحسیز میللتی اؤزونه سیپر ائدیب و بو گوناهسیز اینسانلارین اؤلومونه سبب اولان هماس تئرور تشکیلاتیدیر کی، ایران حاکمیتی طرفیندن چیزیلمیش سئناریانی ایجرا ائتمکدهدیر.
فارس شؤوینیستلری بیر طرفدن ایسلامی بهانه ائدهرک اورتادؤغودا هئگئمونلوغو اله کئچیرمک اوچون و باشقا طرفدن ایران آدلانان اؤلکهده داخیلی بحرانی اورت باسدیر ائدیب فیکیرلری قززهیه یؤنلتهرک آذربایجان میللی حرکتینی گؤزلردن اوزاق بوغماق قسدیله فیلیستینلیلری قوربان وئرمکدهدیر. ظاهرده فیلیستینین داشین سینهسینه ووران ایران اصلینده فیلیستینی اؤز علینه کئچیریب و اؤز ایمپئریالیست رویالارینی گرجکلشدیرمک ایستییر. اونوتمامالیییق کی، ایسرایل و فیلیستین سوله آنلاشمالاری سیراسیندا دونیادا باریشین دوشمنی و تئرور دستکچیسی اولان ایران فارس حاکمیتی فیلیستینده هماسین علیله داخیلی ساواش سالیب و فیلیستینی پارچالایاراق یئنیدن بوهران یاراتدی.
ایرانین هماس و هیزبوللاه تئرور اؤرگوتونه یاردیمی هر کسه آیدیندیر. 2006-جی ایلده ایران بو تئرور اؤرگوتلرینه 120.000.000 دوللار یاردیم ائدهرک 2007 ساواشینی حاضرلادی و 2007-ده هیزبوللاه و هماسا 80.000.000 دوللار یاردیم و اونون آردیندان سلاح، سورسات و باشقا مادی یاردیملاریلا بو گونکو حادثنی یاراتماقدادیر.
بیز گونئی آذربایجانلیلارین ان اؤنملی و بیرینجی سورنوموز گونئی آزربایجانین ایستیقلالیدیر. هئچ بیر حادثه بیزی بو یولوموزدان جایدیرمامالیدیر. بو قوتسال ساواشیمییزدا ایسه بیرینجی دوشمنیمیز ایشقالچی ایران فارس حاکمیتیدیر. بو ساواشدا هرکس کی ایرانین یعنیندادیر، بیزیم قارشیمیزدادیر.
گونئی آذربایجان ایستیقلال پارتیسی |
نوسندگان
