آشیق علی یئکنلی-نین شعر مجموعه سی اورمیه ده چاپ اولوب
هارای اورمو: «بلکه بیر گون دیله دوشدو» آدلی شعر توپلوسو آاشیق ماهنیلارینی اورمیه و قاراداغ سبکلرینین هر ایکیسینده اوستاجا ایفا ائدن آشیق علی یئکنلی-نین شعرلینیدن عیبارت اولان٬ اورومیه ده یئنی نشر اولونموش کیتابین آدیدیر.
آشیق علی یئکنلی کیتابین گیریش بؤلومونده اؤزونو اوخوجولارا بو شکیلده تقدیم ائدیر:
«۱۳۴۰-جی ایل یئکانات ماحالینین داش یئکن کندینده بیر اکینچی عائیله ده دونیایا گوز آچدیم. باشقا دیلده اوخوماغین چتینلیکلرینه باخمایاراق ایلک اوخولو کندیمیزده بیتیردیم . داها آجیناجاقلی یوخسوللوق و کندیمیزده اورتا اوخولون اولمادیغنا گوره اوخوماقدان دوردورولدوم. بوتون بونلار بئله ایلک یاشلاریمدان آنا یوردوم آذربایجانین شیفاهی خالق ادبیاتینی آنامین سینه دن سینه یه قازاندیغی سوز خزینه سیندن امدیم و بئله لیکله منده سؤز ، شعر ، ساز و آاشیقلیق شعورو یاراندی. آرتیق منیم اوچون یازدیغیم شعرلرین نئجه لییینین حاقیندا سوز آچماغیم چتیندیر. بوشعر توپلوسوندا یئرلشن شعرلریمده عمومیتله اجتماعی، فرهنگی، انسان سئوگیسی، وطن عشقی قونولارینا و اؤزللیکله خالق ادبیاتینین أن باشدا گئدن اوزان صنعتینه اؤنم وئرمیشم. اولسون کی قلمه آلدیقلاریم ائلیمیزین، یوردوموزون، دوغما دیلیمیزین، آنادان امدیییم سودون و آتادان آلدیغیم اؤیودلرین حاقینی اؤده سین.»
کیتاب اورمیه نین یاز نشریاتی طرفیندن نشر ائدیلیب و ۳۰۰۰ تومن قیمت ایله کیتاب ائولرینده ساتیشا قویولوبدور./اورمو نیوز |
نوسندگان
